Dies natalis Romae
Ante diem undecimum Kalendas Maias, anno septingentesimo quinquagesimo quarto ante Christum natum, Roma condita est.
Anno bis millesimo decimo classis IIID Romae diem natalem celebravit.
Omnes discipuli et Elisabetta magistra albam togam calceosque induxerunt. Quisque nostrum cibum potumque abunde tulit et copiosum convivium apparavimus, nonnullos magistros invitantes ut nobiscum merendam gustarent.
Iucundissima cibaria in mensa erant: panem, olivas, conchim, caepas et maenas bene praegnates, mel super calidas placentas, nuces, uvas sucosas, palmolas, friabilia crustula et salsa ova voravimus. Vinum cum aqua et mellis iuxtis partibus in cratere a ministro mixtum temperanter bibimus, ita ut immodicum morem barbaricum effugerimus.
Deinde, repleto ventre, ad vinum diserti, de Martialis epigrammatis, de Petronii Coena, de Plinii epistulis, de Apicii praeceptis, culte disseruimus vel legimus.
Ecce ut patinam coximus, Apicii verba sequentes:
“Pira elixa et purgata e medio teres cum pipere, cumino, melle, passo, liquamine, oleo modico. Ovis missis patinam facies, piper super asperge set inferes” .
Tandem, cum somnum vix teneremus, “Carmina Burana” quae saeculares et impios cantus de media aetatis sunt, audivimus et Italice reddidimus.
Et postremo, spectaculum de septem Romae regibus a Gigi Proietti summa cum peritia recitatum spectavimus; admodum risimus. Aliquantulum in tricliniis dormivimus usque ad horam quintam, cum magistra Britannicae linguae venit et scholam fecit.
FORTUNA DIES NATALIS, ROMA!
Sara Hessam Bakhtiari, Letizia Cardone (3D)